Aðalskoðun hefur opnað nýja skoðunarstöð fyrir ökutæki að Holtsgötu 52 í Reykjanesbæ. Ein rúmgóð skoðunarbraut er í nýju skoðunarstöðinni sem getur skoðað allt frá fólksbílum upp í millistærðir bíla og jeppa en einnig bifhjól og litla eftirvagna. Öll hönnun stöðvarinnar miðar að því að skoðunin gangi greiðlega fyrir sig og aðstaða viðskiptavina sé sem best. Ekið er í gegnum húsnæðið til að auðvelda aðkomu og flæði bíla í gegnum stöðina.

Árni Sigfússon bæjarstjóri í Reykjanesbæ opnaði stöðina formlega en stöðinni er ætlað að þjónusta ökutækjaeigendur á öllu Reykjanesi. Starfsmenn stöðvarinnar eru Pálmi Hannesson stöðvarstjóri og Linda Pálmadóttir móttökustjóri.

Hér að neðan eru nokkrar myndir frá opnun stöðvarinnar.

Árni Sigfússon bæjarstjóri í Reykjanesbæ klippir á borðann

Gestir á opnunarhátíðinni

Betri bílar, yngri konur...

Skoðunarstöðin að Holtsgötu 52